Alessandro Florenzi Kuungana na PSG

Beki wa pembeni wa klabu ya Roma, Alessandro Florenzi anatajwa kuwa mbioni kujiunga na klabu ya Paris Saint-Germain kwa mkopo huku kukiwa na chaguo la kumnunua.

Kwa mujibu wa La Gazzetta dello Sport, na vyanzo vingine vya habari za michezo nchini Italia wakiwemo Sky Sport Italia, Tuttomercatoweb na Sportitali, wote wamelipa uzito suala hili.

Kwa mujibu wa taarifa, kumekuwa na maendeleo ya haraka kutoka katika mazungumzo ya awali kuelekea kukamilika kwa mpango huu wa uhamisho. kutoka Ufaransa, taarifa zinasema kuwa mchezaji huyo wa kimataifa wa Italia anatarajiwa kuwepo Paris mwishoni mwa wiki kwa ajili ya vipimo vya afya.

Florenzi alienda Valencia mnamo Januari kwa mkopo, lakini hakuweza kupata mda wa kutosha wa kucheza kwa sababu ya kusimama kwa michezo, pamoja na majeraha.

Kocha wa Roma Paulo Fonseca hivi karibuni alibadilisha mfumo wake kuwa safu ya wachezaji watatu nyuma, ambayo ingemuweka Florenzi upande wa kulia wa kiungo, lakini inaonekana bado haoni mchezaji huyo wa miaka 29 anaweza kuendelea kuwepo katika mipango yake.

Alessandro Florenzi atakuwa Mtaliano wa pili PSG, baada ya Marco Verratti, wakati mshambuliaji wa zamani wa Inter Mauro Icardi pia akiwepo hapo.

Mlinda lango wa Juventus Gianluigi Buffon na mzuia mashuti wa Torino Salvatore Sirigu ni Waitaliano wengine ambao walipitia klabu hii ya Paris.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.