Ansu Fati Amkosha Enrique

Kocha wa timu ya taifa ya Hispania, Luis Enrique amekiri kuwa uwezo wa kinda wa klabu ya Barcelona na timu ya taifa ya Hispania, Ansu Fati, wa kucheza mpira, kujiamini, kutengeneza nafasi ni mkubwa sana na usio wa kawaida.

Kinda huyo mwenye umri wa miaka 17 tu anakichezea kikosi cha Hispania kwa mara ya kwanza katika mashindano ya mataifa ya UEFA na ameonesha kiwango kikubwa sana. Fati alifunga goli katika mechi yake ya pili tu na kikosi cha Hispania siku ya Jumapili.

Hispania waliwakabili Ukraine katika mtanange huo na walijipatia goli la kwanza mapema kabisa kutoka kwa Sergio Ramos kwa mkwaju wa penati. Goli la pili la Hispania lilifungwa na Fati dakika ya 32 ya mchezo, hadi dakika 90 zinamalizika, Hispania 4 na Ukraine 0.

Ansu Fati, aliyecheza dakika zote 90 katika mchezo huo, alionwsha kiwango cha kuridhisha na kumfurahisha kocha wake Luis Enrique. Pamoja na kufunga goli lake la kwanza na timu ya taifa ya Hispania, Fati alitengeneza nafasi mbili, kupiga mashuti sita na ‘dribbles’ sita ambazo ni nyingi kuliko mchezaji yeyote aliyecheza mechi hiyo!

Baada ya mchezo huo kumalizika, Enrique hakuwa na maoni mengine kwa Fati zaidi ya kumsifia kwa kiwango chake na kuwa hajaonesha ‘utoto’ kama ilivyotarajiwa kutokana na umri wake mdogo.

“Wakati tunaita kikosi hatukuangalia sana umri wake. Ilikua wazi kuwa, kutokana na umri wake, Fati atacheza vibaya mara nyingine, atafanya makosa ya wazi kabisa. Tuliamini hiyo yote itakua ni sehemu ya kujifunza kwake, lakini alichokuja kukionesha ni tofauti kabisa na matarajio,” Enrique alisema.

“Amecheza kwa kujiamini na utulivu wa hali ya juu. Ninafurahi kumuona mwenye furaha hivi. Natumaini atafanya makubwa zaidi ya haya.” Enrique akiendelea kumwagia sifa Ansu Fati

Hispania watazikabili Ureno na pia Switzerland katika hatua inayofuata ya mashindano hayo.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.