Marco Reus Mfalme wa Signal Iduna Park na Tegemeo la Dortmund

Marco Reus ni mfalme pale Signal Iduna Park , akilala akiamka bado ni mfalme watu wanakwenda wanapita wanamuacha pale . Ni kama mapenzi vile yaani kumvumilia mwenza wako katika hali yoyote , wengine wanasema mapenzi ya kweli yaliisha miaka ya 80 hakuna mapenzi saivi zaidi ya kusaidiana tu , hakuna mapenzi ya Agape saivi kila mtu anawaza faida yake . Penzi la Marco Reus na Borrusia Dortmund ni la Agape kila mtu anampenda mwenzake.

Marco Reus alianza katika timu za watoto za Borrusia Dortmund kabla ya kutimka kutafuta uzoefu Rot Weiss ahlen II na Borussia Monchengladbach aliwasha moto mkubwa na Dortmund kuamua kumrudisha nyumbani Signal Iduna Park . Mashabiki wa Borrusia wameweza kumpenda na wameshindwa kumchukia , amewaingia kwenye nyoyo zao na anawakosha , wakati Piere Aubemeyang anawaletea nyodo anataka kuhama wala hawakua na presha walijua Reus akitoka kitandani basi anakua boss . Mashikaji wake Roberto Lewandowski aliondoka yeye akabaki , aliondoka Shinji Kagawa , Mario Gotze , Nuri Sahin , Aubemeyang na mafundi wengine kibao lakini yeye hana huo muda , akitoka majeruhi wanamrudishia tambala la unahodha.

Miasha yake yametawaliwa na majeraha sio kila timu inauwezo wa kua na Marco Reus , Kizuri kwake akipona hahitaji muda mwingi kurudisha form yake anakupa kitu kizuri ambacho wachezaji timamu hawakupi . Muunganiko wake na Mario Gotze pale Dortmund enzi za Klopp ulisemekana ni hatari zaidii kwa kipindi kile. Kuelekea kombe la dunia 2014 pale Brazill alicheza mechi sita alifunga goli tano na assists tatu , ilibidi aondolewe katika timu itakayoshiriki kombe la dunia baada ya kuumia katika mechi ya kirafiki dhidi Armenia alilia sanaa..

Mashabiki wengi wa mpira waliaimini na wanaamini Reus hakutakiwa kuendelea kukaa pale Dortmund , katika ubora wake huwezi kumkataa kukaa kwake Bundersliga tena Dortmund sawa na kuishi gizani nani atamuona na kumzingatia ?? pengine ni bora ambavyo hakuondoka sababu hakuna uhakika wa moja kwa moja kwamba atang’aa pamoja na majeraha yake . Marco Reus ni kiungo mshambuliaji mwenye kasi kubwaa , uwezo wa kumilikia mpira ,uwezo mkubwa wa kufunga , anapiga kwa uzuri mpira iliyokufa na kikubwa anapiga mashuti makali mnooo.

Ameamua kuwatumikia BVB milele daima , hana dalili za kuondoka na inawezekana hafikirii , ameona kuna ufalme wake pale pamoja na swahiba wake Mario Gotze watoto wa kishua hawa . Wazazi wake waliamua kumpa jina la Marco ili kumuenzi legend wa soka wa Uholanzi Marco Van Basten , Reus ataendelea kua moja ya wachezaji bora kabisa katika kizazi chake alikua namba tatu katika wachezaji bora duniani mwaka 2013.