French Open: Djokovic na Tsitsipas Wang'ara

Mashindano ya Roland Garos – French Open 2020 yanaendelea kutimua vumbi nchini Ufaransa. Mchezaji namba 1 kwa ubora duniani – Novak Djokovic na Stefanos Tsitsipas wanaendelea kung’ara katika mashindano haya.

Djokovic alikuwa uwanjani kupambana na Mikael Ymer. Mchezo ambao Novak Djokovic alionesha ubora wake na kumaliza kwa ushindi wa seti 6-0 6-2 6-3 .

Djokovic yupo kibaruani akitafuta taji la 18 la Grand Slam na taji la 2 la French Open. Dakika 20 za mwanzo zilikua ngumu kidogo kwa Djokovic, lakini alipambana kwa kipindi chote cha saa 1 na dakika 38 za mchezo huu.

“Malengo yangu yataendelea kuwa hivi, kujitahidi kuvishinda vizuizi vyote kwa umahiri na uhodari mkubwa.

“kiukweli hii sio hali ya hewa tuliyoizoea katika French Open. Kila mtu amekuwa akiliongelea hili. Baridi, matope nakadhalika. Vinaharibu mchezo lakini kwa uchezaji wangu sioni tabu.” amesema Novak Djokovic.

Stefanos Tsitsipas alikuwa akichuana na Jaume Munar. Katika mchezo ambao Tsitsipas alipindua matokeo baada ya kupoteza seti 2 za mwanzo, aliibuka kidedea kwa ushindi wa 4-6 2-6 6-1 6-4 6-4.

Mchezo huu ulikuwa ni wa vuta nikuvute na Tsitsipas alisubiri mpaka raundi ya 7 ili kujihakikishia anafuzu mzunguko wa pili wa mashindano haya.

Beti kwa Kitochi Kushinda 300,000,000!

Unajua kuwa unaweza kushinda milioni mia tatu kwa buku tu? Ndiyo! Unaweza kushinda kwa kupiga *149*10# na kubashiri. Ingia mchezoni!

Soma Zaidi