French Open: Mashabiki Wapunguzwa Mpaka 1,000

Kuelekea Mashindano ya French Open, idadi ya mashabiki imepunguzwa kutokana na sheria mpya za kujilinda na COVID 19.

Awali, ilipangwa mashabiki takribani 11,500 wangeruhusiwa kuingia uwanjani na wiki iliyopita idadi hiyo ilipunguzwa mpaka 5,000. Tamko jipya limepunguza idadi hiyo na kuwa 1,000 kwa siku kufuatia serikali kutangaza utaratibu mpya kama sehemu ya kujilinda na COVID 19.

Mashindano ya French Open kikawaida yanafanyika mwezi Mei-Juni na mashabiki 35,000 wanakuepo uwanjani kushuhudia michezo inayochezwa kila siku. Kutokana na mlipuko wa COVID19, mashindano hayo yalisogezwa mbele na sasa yataanza jumapili wiki hii.

Shirikisho la mchezo wa tenesi nchini Ufaransa limesema, “Tangu kuanza kwa hili janga tunalolipitia kama nchi, shirikisho limekuwa likifanya kazi kwa ukaribu zaidi na idara za serikali, tukipanga ni kwa namna gani tunaweza kuendesha mashindano haya katika hali hii.

“Tunasikitika kwa hizi sheria mpya.”

Rafael Nadal atashiriki mashindano mwaka huu akiwa analisaka taji la 13 kwenye French Open. Endapo Nadal atafanikiwa kutwaa taji mwaka huu, atakuwa sawa na Roger Federer kama wachezaji wenye mataji 20 ya Grand Slam.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa