Vilabu Vya Ligi Kuu Uingereza Vya Iwinda Saini Ya Sancho

Vilabu vya ligi kuu nchini Uingereza vimekua vikihusishwa na kuinasa saini ya mchezaji Jardon Sancho anaye cheza katika timu ya Borussia Dortmund, mchezeji huyo anaye sakata kabumbu katika nafasi ya kiungo wa pembeni amekuwa na msimu mzuri katika klabu yake ya Dortmund akiwa ameweka kambani goli 17 na kutoa pasi zilizo leta magoli 16 akiwa anashika nafasi ya tatu kwenye ubao wa wafungaji mabao.

Jadon Sancho ambaye ni mzaliwa wa nchi ya Uingereza katika jiji la London amezaliwa mwaka 2000,pia alisha wahi kuvichezea vilabu vya uingereza kama vile Watford na Manchester City.

Sancho alisaini kandarasi yake na Dortmund akitokea Manchester City mwaka 2017, katika msimu wake wa pili tuu aliweza kupangwa katika kikosi cha kwanza na timu hiyo na baadaye kutajwa kwenye kikosi cha msimu katika ligi ya Bundesliga  2018-2019.

Sancho amekwisha shinda taji la DFL SUPER CUP Borussia Dortmund walipo kutana na Bayern Munich

Vilabu vilivyo onesha nia ya kuhitaji huduma ya mchezaji huyo ni timu yake ya zamani Manchester City pia yeye mwenyewe amekua akitamani kurudi klabuni hapo, lakini pia vilabu kama Manchester United, Chelsea na Liverpool vimekua vikimtolea macho kinda huyo anaye washa moto kwelikweli kunako ligi ya Bundesliga

Ingawa mabosi wa Klabu hiyo wamekua wakieleza Sancho ataendelea kubaki klabuni hapo kwa msimu ujao,Sebastian Kehl aliiambia Sky Germany “Tulikua na vitu vichache na Sancho wiki iliyo pita lakini tumesha maliza, Anafanya kazi nzuri sana ana umuhimu kwenye timu yetu alimaliza kwa kusema hivyo.

Thamani ya Jadon Sancho kwa sasa ni zaidi ya yuro milioni 117, akiwa na timu ya Borussia Dortmund pia yupo katiaka kikosi cha timu ya taifa ya Uingereza akicheza  nafasi ya kiungo wa upande wa kulia.