Joshua Kimmich ameelezea kuondoshwa kwa Ujerumani katika Kombe la Dunia kama siku mbaya zaidi ya maisha yake na alikiri anaogopa ataanguka kwenye shimo la lawama baadaye.
Kuelekea mechi yao ya mwisho ya hatua ya makundi dhidi ya Costa Rica siku ya Alhamisi Ujerumani walijua kwamba ushindi pekee ndio ungeweka hai ndoto yao ya Kombe la Dunia baada ya kuambulia pointi moja pekee kutoka kwenye michezo yao miwili ya awali dhidi ya Japan na Hispania.
Kikosi cha Hansi Flick kilifanikiwa kupata ushindi wa 4-2, lakini ushindi wa Japan wa 2-1 dhidi ya Hispania, kama matokeo ya uamuzi wa utata wa VAR ulihitimisha hatima ya Ujerumani walipotoka kwenye dimba kwa tofauti ya mabao.
Kimmich alihuzunika baada ya filimbi ya mwisho, na alishindwa kueleza jinsi timu ya taifa ilivyofeli kwenye hatua kubwa tena.
“Kwangu mimi binafsi, hii ndiyo siku mbaya zaidi katika kazi yangu,” Kimmich alisema, kama alivyonukuliwa na Bild.
“Naogopa nitaanguka kwenye shimo! Inakufanya ufikirie, mapungufu haya yameunganishwa na mtu wangu.”
Kimmich hakuwa katika hali ya kupata faraja kutokana na ari ya kupambana iliyoonyeshwa na kikosi dhidi ya Costa Rica ingawa, nyota huyo wa Bayern alitafakari juu ya kukatishwa tamaa kwa mara ya tatu kwenye michuano mikubwa.
“Tuliharibu 2018, kisha tukalipua Euro mwaka jana,” alisema.
Ujerumani sasa iko mbioni kuONDOKA Qatar, huku Hispania ikicheza na Morocco katika hatua ya 16 bora na Japan itamenyana na Croatia.
