Moise Katumbi- Bilionea Aliyewekeza na Kuikuza TP Mazembe

Katumbi ameingia kuongoza Tp Mazembe mwaka 1997 ni miaka 23 hadi muda huu nakuandikia  amefanya maajabu makubwa na ni ashirio kazi kuzidi maneno. Amseshinda Mara tano kombe la Mabingwa Barani Afrika na ameifanya Mazembe kuwa timu ya kwanza kutoka Afrika kucheza fainali ya Kombe la Dunia kwa vilabu. Bado naendelea.

Ameshinda kombe la shirikisho Mara mbili na ameshinda Super Cup ya CAF Mara tatu. Huu ni Mwamba. Anaonekana analijua Soka na Mara kadhaa amepewa Heshima kubwa kutokana na mafanikio yake. Mwaka 2012 alichaguliwa katika Kamati ya FIFA ya Mipango. Mwaka 2013 alichaguliwa katika kamati ya maandalizi ya CAF ambayo alihudumu hadi 2017 pia amehudumu kamati ya Masoko ya CAF.

Mwamba wa Lubumbashi aliweka kiasi cha zaidi ya Bilioni 80 za Kitanzania kujenga uwanja wa Tp Mazembe wenye uwezo wa Mashabiki 18,000. Mbali na mipesa ya kununua wachezaji kutoka kona yoyote ya Afrika Katumbi alianzisha ‘Academy’ na mwaka 2015 vijana 2000 walosajiliwa.

Huyu ndio muwekezaji wa kweli kwenye soka sio siasa zetu wala maneno na kelele kwenye timu bila mafanikio. Umri wa Mazembe ni miaka minne nyuma ya Yanga na mitatu nyuma ya Simba.