Tetesi za Usajili Barani Ulaya Leo Tarehe 26 May 2020

Wakala wa Paul Pogba Mino Raiola ameanza mazungumzo na Juventus kuhusu uhamisho, lakini Real Madrid na Paris St-Germain pia wanamtolea macho kiungo huyo wa Machester United, 27. (Le10sport – in French)

Bayern Munich inaweza kuingilia mipango ya kocha wa Manchester United Ole Gunnar Solskjaer kumsajili winga wa Borussia Dortmund Jadon Snacho, 20. (Sun)

Barcelona wako tayari kuwauza wachezaji wao sita msimu huu wakati huu ambapo hali ya kifedha katika klabu hiyo ni mbaya kwasababu ya virusi vya corona. (Marca)

Wakala wa Sergio Aguero amekana taarifa kuwa mshambuliaji huyo, 31, wa Manchester City ataondoka Etihad msimu huu, kukiwa na tetesi zinazomhusisha kurejea Argentina. (Mirror)

Kiungo wa kati wa Chelsea Willian, 31, anasema kuwa kukataa kwa klabu yake kumpa mkataba wa miaka mitatu zaidi kumemfanya kuwa katika mazingira ”magumu”. (Esporte Interativo, via Metro)

Manchester United sasa wanapenda kumsajili beki wa kati wa Napoli Kadou Koulibaly, 28, baada ya PSG,Barcelona na Real Madrid kujiondoa kwenye mbio za kumnasa mchezaji huyo. (Sun)

Mashetani wekundu pia wamefanya mazungumzo na wakala wa kiungo wa Juventus Adrien Rabiot, huku Arsenal na Everton nao wakionesha nia na mchezaji huyo. (Mirror)

Arsenal wanamfukuzia mchezaji wa nafasi ya ulinzi wa klabu ya Ajax mwenye thamani ya pauni milioni 20 Nicolas Tagliafico,27.(Mirror)

Kiungo Ainsley Maitland-Niles ,22, anatarajiwa kuwaacha washika bunduki dirisha la usajili litakapofunguliwa baada ya kuingia kwenye mzozo chini ya kocha mpya Mikel Arteta. (Star)

Real Madrid wanafikiria uhamisho wa mchezaji wa nafasi ya ulinzi wa klabu ya Celtic raia wa Norway, Kristoffer Ajer,22, baada ya kuonesha kiwango kikubwa kwenye ligi kuu ya Uskoti. (Mundo Deportivo – in Spanish)