Muendelezo wa Historia ya (Muhammad Ali) na Kisasi cha Tyson 2

Sasa usiku wa pambano hilo Ali hakujua kama ana shabiki yake anamtazama usiku ule ambae ni Mike Tyson .Wakati Ali amekula kipondo cha kutosha na corner yake kutupa taulo uwanjani, kila mtu aliteseka sana na kipigo kile, ila mitaa ya New York kijana Mike Tyson na miaka yake 14 alilia zaidi kuliko mtu yoyote

Mwalimu wake Cus D’Amato aligundua mateso ya Mwanafunzi wake, asubuhi sana alimpigia Ali na kumwambia kuna mtoto mdogo sana anahitaji kuongea na wewe, Tyson alivyopewa simu “Nitalipa juu ya fedheha uliopata” ni maneno pekee Mike aliahidi Asubuhi ile ya October 3,1980

Cus D’Amato alitamani mtoto yule atimize ndoto yake, alitamani mtoto yule kutoka mitaa ya wababe na makundi ya kihuni ya New York atimize ahadi ya Ali, ilikua mazoezi ya usiku na mchana, jasho likimtoka kuelekea kupanda mlima wa Sayuni ya Ndondi

Bahati mbaya sana shahidi wa ndoto ile Cus alitangulia mbele za haki, alibaki Tyson na Ali pekee wanaikumbuka ahadi ile, Tyson anabeba ubingwa wa dunia 1986 akiwa na umri mdogo wa miaka 20 tu lakini hakufurahia kwakua Mwalimu wake katangulia kaburini, hakufurahia kwakua bado hajatekeleza ahadi ya Ali

Larry Holmes aliwa tayari amestaafu ndondi ila Tyson alimuhitaji Holmes uwanjani kwenye pambano la kisasi kwakua alimtesa Role model wake, alitumika Promoter Don King kulazimisha sana Holmes wa miaka 38 arejee ulingoni, baada ya dau kubwa sana Holmes alikubali kurejea tangu apoteze dhidi ya Michael Spinks

https://www.youtube.com/watch?v=fjbaoQ-P8ww

January 22,1988 ndipo walipanga kupanda ulingoni, likapewa jina la World Heavyweight History, kama Holmes angeshinda angekuwa bondia wa nne kutwaa mkanda huo baada ya kuupoteza kama Floyd Patterson, Muhammad Ali na Tin Witherspoon, aliitamani sana rekodi hiyo bila kujua akili ya Tyson

Kabla ya pambano kuanza Ali alikuwepo pale Trump Plaza New Jersey, alimfuata Tyson na kumwambia “Unakumbuka ahadi yako ukiwa bado mdogo??” Mike alicheka kisha akajibu nakumbuka Master, kilichotokea baada ya kengele hakuna alietarajia

Mike hakukamatika anadance, anatupa na anajilinda, Holmes kila muda anamkumbati, aalianguka mara mbili Holmes ila jab ya tatu ilimpeleka chini na Refa Joe Cortez alimpa ushindi Tyson kwa TKO, hatimae alitimiza ahadi yake kwa Mpendwa wake