Malcolm Brogdon Akutwa na Virusi Vya Korona.

Mchezaji wa kikapu kutoka timu ya Indiana Pacers Malcolm Brogdon amethibitishwa  kupimwa na kukutwa na Virusi vya Korona.

Brodgon mwenye umri wa miaka 27 amekuwa akionesha jitihada za kupigania haki za usawa kwenye jamii tangu kuzuka kwa janga la Korona mwezi machi hivyo kupelekea shughuli nyingi kusimama.

Msimu wa NBA 2019-20 unatarajia kurudi katika viwanja vya Disney World katika mji wa orlando mwashoni mwa mwezi  julai, na wachezaji wameripotiwa kuanza kujinoa kwenye vituo vyao wiki hii.

“Hivi karibuni nilipima na nimepatikana na maambukizi ya Virusi vya Korona kwa sasa nipo karantini,” Brogdon alisema.

“Naendelea vizuri, na ninatarajia kujiunga na wachezaji wenzangu mwishoni mwa mwezi julai kwaajili ya kuendelea na msimu wa NBA kwa michezo ya awali.”

Brogdon alijiunga na Indiana Pacers akitokea Milwaukee Bucks mwaka 2019 na huu ndio msimu wake wa kwanza akiwa na Indiana Pacers. Pia Brogdon alikuwa nje ya kikosi kutokana na majeraha kabla ya ligi kusimama mwezi machi, lakini mwezi Aprili ilielezwa kuwa yupo sawa kiafya kwa “100%.”

Pacers wamepanga kutua Frolida kwenye kituo cha kufanayia mazoezi wiki ya kwanza ya mwezi Julai.

Mazoezi yawachezaji tayari yalikwisha anza walimu na makocha wameruhusiwa kuongoza mazoezi ya mtu na mtu.