Coutinho Arejea Tena Barcelona.

Philippe Coutinho ajiunga na timu ya Barcelona katika mazoezi siku ya Ijumaa, kwa mara ya kwanza baada ya kurejea akitokea Bayern Munich alipokuwa ametolewa kwa mkopo.

Bayern haija mnunua Coutinho, ambaye ametumia msimu wa 2019-20 akiwa na Miamba hiyo ya Bavaria baada kutua katika klabu hiyo kwa mkopo akitokea Barcelona baada ya kutokuwa katika kiwango kizuri Camp Nou. Coutinho alisajiliwa kwa dau linaloripotiwa kufika €160m mwezi Januari mwaka 2018 akitokea Liverpool.

Mchezaji huyo wa kimataifa kutoka Brazil ameanza mazoezi na timu ya Barcelona kujiandaa na msimu mpya licha ya kuhusishwa kutaka kurejea kunako Premier League katika vilabu vya Chelsea au Arsenal .

Coutinho ameshinda taji la Bundesliga, DFB-Pokal na Champions League wakati mfupi tu alipokuwa Bayern munich, na kufunga magoli mawili na kutoa asisti kwenye mchezo wa Champions League na kufanikiwa kupata ushindi wa 8-2 dhidi ya klabu yake mama Barcelona jijini Lisbon mwezi Agosti.

Wakati Coutinho akiripotiwa kuwepo mazoezini chini ya meneja mpya Ronald Koeman, Lionel Messi bado hajarudi kwenye majukumu yake na hatma yake bado imebaki hewani.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza sasa