Anthony Joshua Fiti Kuzichapa na Kubrat Pulev

Anthony Joshua anaonekana kuwa fiti katika maandalizi ya pambano lake la mwaka dhidi ya Kubrat Pulev.

Joshua atakuwa anaingia kwenye pambano lake la kwanza mwaka huu kuutetea ubingwa wake wa dunia wa ndondi za uazani mkubwa – Heavyweight – dhidi ya Pulev Disemba 12.

AJ amekuwa nje ya ulingo tangia mechi yake ya mwisho mwaka jana, ambayo alifanikiwa kurejesha ubingwa wa WBA, IBF, WBO, na IBO kutoka kwa Andy Ruiz Jr.

Ikiwa Anthony Joshua atashindwa pambano hilo, kisha Tyson Fury naye akashinda pambano lake wiki moja kabla ya AJ, nasi milango ya wawili hawa kukutana tena mwakani utakuwa wazi.

Anthony Joshua kwa sasa ameelekeza majeshi yake kwenye pambano dhidi ya Pulev kwanza, ambalo ni la awali kisha mipango mingine itaendelea baada ya ushindi.

AJ anapigiwa upatu kushinda pambano hili na kulinda taji, licha ya ukweli kuwa pambano hili ni gumu pande zote zikiwa zinajinoa vilivyo.

Licha ya Anthony Joshua kuwa mapumzikoni kwa mda mrefu mwaka huu, bado anaonesha kuwa na spidi na morali ya kufanya makubwa ulingoni.

AJ anaenda kuvaana na Pulev mwenye rekodi ya kupoteza pambano moja tu katika mapambano yake 28.