Everton Wamsaini Allan, De Laurentiis Athibitisha.

Mchezaji wa kimataifa kutoka Brazil Allan anajiandaa kuondoka Napoli kwa kiasi cha fedha kinacho ripotiwa kufika £25m na kutua katika klabu ya Everton ya Premier League baada ya kuhusishwa kuondoka klabuni hapo kwa miaka ya hivi karibuni.

Dili ya uhamisho wa Allan kwenda Paris Saint-Germain yenye thamani ya €100m ilishindikana mwaka 2019 kipindi Carlo Ancelotti alipokuwa meneja wa Partenopei.

Lakini badala yake sasa Allan anaelekea Merseyside kuungana na Ancelotti kwa mara nyingine katika dimba la Goodison Park, amesema De Laurentiis.

Aliiambia Radio Kiss Kiss: “Tupo katika hatua za mwisho kukamilisha uhamisho, Allan atakwenda Everton.

Allan mwenye umri wa miaka 29, alijiunga na Napoli akitokea Udinese mwaka 2015 ameshacheza michezo 150 katika ligi ya Serie A, na kufanikiwa kushinda taji la Coppa Italia msimu uliyopita.

Everton pia wapo kwenye kuhusishwa na uhamisho wa nyota wa Real Madrid, James Rodriguez mchezaji mwingine wa zamani wa Carlo Ancelotti.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza sasa