Coutinho: Arsenal Wapewa Nafasi

Kufuatia usajili wa moja kwa moja wa Philippe Coutinho kuendelea kubaki Bayern Munich kukwama. Sasa Barcelona wanatafuta suluhisho la mchezaji huyo ambaye anaonekana hana namba katika kikosi chao kwa sasa.

Vilabu mbalimbali vimekuwa vikihusishwa na usajili wa Coutinho kwa siku za hivi karibuni. Chelsea, Man United, Totenham na Arsenal ni kati ya vilabu vinavyotajwa kuisaka saini ya mbrazili huyo.

Taarifa zilizopo kwa sasa ni kwamba Arsenal na Totenham ndio timu zilizobaki katika kuwania saini ya Coutinho ambaye pia anaona nafasi ya kurudi tena kunako Ligi Kuu Uingereza – EPL baada ya kuiacha Liverpool miaka kadhaa iliyopita, ni fursa ya kipee kwake.

Inasemekana Arsenal wamejipanga kumtoa kiungo wao Matteo Guendouzi na kiasi cha fedha takribani pauni milioni 9 ili kumsajili Coutinho.Ofa hii inaonekana itasaidia pande zote mbili – Arsenal na Barcelona ambao wachezaji hawa wanaonekana kutokuwa kwenye mipango ya muda mrefu ya vikosi hivi.

Uongozi wa Arsenal unasubiri kuiona hatma ya Arsenal katika fainali ya Kombe la FA watapokutana na Chelsea. Endapo Arsenal watafanikiwa kunyanyua kombe hilo, watakuwa katika nafasi nzuri kiuchumi na hivyo bajeti ya usajili itaongezeka kwa kiasi fulani.

Arteta bado anakuwa mwenye mashaka katika hili kwani Juventus nao wanaonekana kuitafuta saini ya Guendouzi. Japokuwa, Arsenal mpango wao wa kubadilishana wachezaji bado upo palepale.Kwao (Arsenal) hii ndio njia pekee ya kuendana na madhara ya kiuchumi yaliyosababishwa na Mlipuko wa Virusi vya Corona duniani.

Arteta anamtizama Coutinho kama mchezaji mwenye faida zaidi kulingana na mfumo wake wa kiuchezaji. Anamtizama Coutinho kama mrithi wa Pierre-Emerick Aubameyang endapo mshambuliaji huyo ataamua kuondoka Emirate.

Pia, hali ya sintofahamu kuhusu hatma ya usajili wa Dani Ceballos anayechezea Arsenal kwa mkopo akitokea Real Madrid, inamuongezea mashaka Arteta katika nafasi hiyo. Endapo Ceballos ataamua kuondoka, Arteta atakosa mtu wa kuziba pengo hilo na hivyo Coutinho kuwa usajili wenye faida zaidi kwa Arsenal.

Arsenal watakuwa uwanjani leo kukipiga dhidi ya Chelsea katika fainali ya Kombe la FA. Ushindi kwa Arsenal ni faida kiuchumi, lakini pia itawapa tiketi ya moja kwa moja kushiriki michuano ya Europa msimu ujao.

Nini kinachokupa raha kama michezo ya kasino ya mtandaoni? Hasa unapojua kuwa kuna ushindi, jackpot na mizunguko kibao ya bure. Ungana na bwana Meridian kupata ushindi na burudani.

Cheza Hapa Sasa