Karius Asitisha Mkataba Besiktas

Golikipa wa Liverpool, Loris Karius amesema amesitisha mkataba wa miaka miwili kwa mkopo katika klabu ya Besiktas. Karius  alikuwa kwenye mwaka wake wa pili wa mkopo Besiktas amecheza mechi 30 kabla ya msimu kusimama kwasababu ya Corona.

Karius amesema katika ukurasa wake Instagram “aibu kumalizika hivi”.

“Nilikuwa mpole kwa mwezi sasa, kuwaambia bodi mara kwa mara. Kitu kilekile kimetokea mwezi uliopita.”

Mwezi uliopita Karius alisema ameiripoti Besiktas kwa Fifa kwasababu ya kutokulipwa mshahara kwa mara ya pili, japo dili kati ya pande mbili limehitimishwa bila Fifa kuingilia.Dili la mkataba wa Karius baada ya kusitishwa na Besiktas wamekubali kulipa £400,000 kama fidia.

Karius, ambae mchezo wake wa mwisho akiwa na Liverpool ilikuwa ni mwaka 2018 akipoteza Fainali ya Ligi ya Mabingwa Ulaya.

“Ni muhimu kwangu na mnafahamu, nimefurahi kucheza nikiwa hapa.

“Siku zote mmenisapoti katika nyakati nzuri na mbaya na siku zote nitakumbuka katika namna nzuri.

“Pia nataka niseme asante kwa wachezaji wenzangu wote, makocha  na watu wote wanafanyakazi kwaajili ya klabu. Mmenipokea kwa mikoni miwili tangu siku ya kwanza.”