Mayweather- Na Historia ya Kuusaka Ufalme wa Masumbwi Duniani- 1

Hebu tujiulize kitu, Vipi kuhusu kejeli alizotupiwa tarehe 20 January 2001? Dunia nzima imesimama siku ile, watu wanautazama urefu wa Diego Corrales wanamuuliza Mayweather unaenda kufanya nini. Wanaufikiria uzito wa ngumi za Corrales wanamuambia Mayweather unaenda kupoteza muda tu, wanayatazama maisha ya Diego wanamuambia Maywethwer unaenda kupigwa wewe. Ila laiti kama wangejua MAYWEATHERameshuka kama nabii wa Sodoma na moto wa Gomora, wasingezungumza.

Mayweather anaitazama picha ya bibi yake, alafu anavaa gloves zake kisha anamtazama mjomba wake mzee Roger Mayweather ambaye ni kocha wake, anamwambia, “ninakwenda kumpiga huyu.” Anapanda ulingoni.

Hilo lilikuwa ni pambano la ubingwa wa super-featherweight lililopigwa ndani ya GM Grand Arena, Las Vegas, kati ya Fyold Mayweather na Diego Corrales. Wote walikuja hapa wakiwa hawajapoteza pambano hata moja. Lilikuwa pambano la kwanza la Diego Corrales baada ya kutoka jela. Alihukumiwa kwenda jela mwaka mmoja baada ya kupatikana na hatia ya kumpiga mke wake.

Licha ya kuzidiwa uzoefu na mpinzani wake,Mayweather alisema “ninajua yeye ni bingwa wa dunia, ila hilo sitajali, ninakwenda kumpiga kama alivompiga mke wake, na nitamkumbusha kuwa siku nyingine anatakiwa kuwaheshimu wanawake.”

Wengi waliamini Mayweather anajipa moyo tu. Mayweather hakubishana nao, alisubiri kuzikosoa fikra zao ulingoni. Walipofika ulingoni, Mayweather alishinda kila round. Baada ya Corrales kudondoka kwa mara ya tano, kocha wake alitupa taulo ulingoni, na siku hiyo Mayweather alijitangaza kuwa bingwa mpya wa dunia wa uzito wa super-featherweight. Hakuruhusu ngumi zaidi ya tisa zimpate ndani ya round moja.
Historia ya Floyd Joy Mayweather Junior inaanzia pale.