Uchambuzi Mchezo wa Sheffield United Dhidi ya Chelsea.

Huku Ratiba ya EPL ikionyesha zimebaki mechi 4 tu msimu kumalizika, Chelsea hadi sasa wamekaa nafasi ya 3 alama mbili tu mbele ya Manchester United iliyopo nafasi ya tano, pambano la leo dhidi ya timu ya Chris Wilder wa Sheffield ni shoo nyingine nzito kwa Blues kwani lazima kushinda kujihakikishia nafasi kwenye Ligi ya Mabingwa msimu ujao .

Ugumu wa game ya leo ni kwamba Sheffield United pia wanatamani kucheza mashindano ya Ulaya msimu ujao, hii haitakuwa mechi rahisi na inaweza kushinda timu yoyote.

The Blade – Timu ya Sheffield United

Chini ya kocha wake mahili Chris Wilder, Sheffield wamekuwa na maajabu msimu huu. Licha ya bajeti ndogo, timu inakimbikiza katika Ligi, na sasa wamekaa katika nafasi ya saba kwa alama 51, mbele ya wakongwe kama Arsenal na Spurs.

Kwa kuzingatia kwamba ni timu mpya iliyopanda daraja msimu huu. Kuingia kwenye mchezo dhidi ya Chelsea, Blades hawajapoteza katika michezo yao mitano ya nyumbani.

Sababu kubwa ya kufanikiwa kwao msimu huu ni safi yao bora ya ulinzi yenye watu watano ambao wameruhusu mabao 33 tu, na kuifanya kuwa ya nne katika timu zilizoruhusu mabao machache msimu huu pamoja na Manchester United, Liverpool na Leicester City.

Kikosi cha Sheffield United dhidi ya Chelsea.

Golikipa: Henderson;

Eneo la Ulinzi: Basham, Egan, O’Connell;

Eneo la kati: Baldock, Lundstram, Norwood, Berge, Stevens;

Washambuliaji: Sharp, McGoldrick

The Blues – Chelsea

Chelsea inaingia kwenye shoo ngumu dhidi ya vijana wa Wilder, lakini wakiwa katika fomu bora baada ya kushinda mechi nne kati ya tano za Ligi tangu irejee baada ya lockdown.

Kitu kitakachomsumbua kocha mkuu wa timu hiyo, Frank Lampard, ni aina ya wapinzani wawili wanaomfukuza kwa karibu kuwania nafasi ya kucheza Ligi ya Mabingwa yani Leicester City na Manchester United, ambao anawazidi alama moja na mbili kwa nyuma.

Kwa hali ilivyo, haitajiki kupoteza katika mechi nne zilizobaki, na Lampard atataka timu yake kuanza kupambana kwenye kila mechi hizo kupata ushindi.

Mahala pekee, panapotia shaka kwa Lampard ni safu yake ya ulinzi ambayo inavuja. Imeruhusu mabao 46 katika mechi 34 za Ligi na wakipata clean sheets mbili tu kwenye mechi 10 za mwisho za ligi.

Kikosi cha Chelsea dhidi ya Sheffield United.

Golikipa: Kepa Arrizabalaga