Arteta na Lampard: Kesho Inayong'ara

Vijana wa Mikel Arteta – Arsenal watakutana na kikosi cha Chelsea kinachonolewa na Frank Lampard katika fainali ya Kombe la FA Agosti 1, 2020.

Mchezo huo utawakutanisha makocha wawili wadogo kwenye Ligi Kuu Uingereza – Arteta (38) na Lampard (42). Mchezo huu utakuwa wa aina yake kutokana na uzoefu wa makocha hawa ambao kila mmoja ameshawahi kubeba Kombe la FA wakati walipokuwa wachezaji.

Lampard amebeba Kombe la FA mara 4 alipokuwa mchezaji wa Chelsea, wakati Arteta akilibeba kombe hilo mara 2 alipokuwa anaitumikia klabu ya Arsenal.

Arteta na Lampard wamekuwa na msimu mzuri kwenye Ligi Kuu – EPL wakijitahidi kuvinoa vikosi vyao. Uwezo wao wakuongoza vijana na kuwasimamia mchezaji mmoja mmoja lakini pia mbinu za matumaini na morali, zimewasaidia kwa kiasi kikubwa katika kazi zao kwa msimu huu.

Frank Lampard ambaye amekuwa akitumia mfumo wa 3-4-3 kwa kiasi kikubwa, ameweza kuingoza Chelsea mpaka kumaliza katika nafasi ya nne kwenye msimamo wa Ligi Kuu Uingereza- EPL na kufuzu hatua ya fainali ya Kombe la FA.

Japokuwa anaonekana ni kocha mtaratibu, Lampard amefanikiwa kutumia uwezo wake wa kuongoza wachezaji mmojammoja ndani na nje ya uwanja. Jambo hili limemsaidia katika kufanya maamuzi ambayo kwa namna moja ama nyingine yalimpatia matokeo katika michezo mbalimbali.

Mchezaji kama Olivier Giroud alionekana kama hana nafasi tena katika kikosi cha Chelsea na wengi kutazamia kuondoka kwa mshambuliaji huyo. Lampard amefanikiwa kwa kiasi kikubwa kurudisha morali na ari ya uchezaji wa Giroud na sasa tunamuona Giroud ambaye amekuwa akiongoza mashambulizi ya Chelsea na kuisaidia timu kupata matokeo.

Arteta nae amejitahidi kwa upande wake hasa tukiangazia suala zima la mchezaji Mesut Ozil ambaye amekuwa na wakati mgumu kwenye kikosi cha Arsenal kwa muda sasa. Arteta aliamua kumuacha Ozil katika mechi kadhaa, lengo likiwa ni kumpatia changamoto zaidi mchezaji huyo ambaye ni dhahiri ameshuka kiwango.

David Luiz ambaye ameonekana kushuka kiwango na kusababisha timu kukosa matokeo katika mechi muhimu kama ya Manchester City (3-0). Arteta amekuwa akimkingia kifua mchezaji huyo na kumuamini, Luiz alionesha uwezowake na kuisaidia timu yake kufuzu fainali ya Kombe la FA alipokutana na Manchester City katika nusu fainali na kushinda kwa magoli 2-0.

Arsenal na Chelsea watakutana tena katika dimba la Wembley mapema Agosti 1, 2020 watakapokuwa wakiwania Kombe la FA ambalo ni kombe muhimu kwa makocha hawa na timu wanazoziongoza. Kwa Arsenal, kubeba kombe hili itakuwa ni tiketi ya kushiriki michuano ya Europa msimu ujao na hivyo kuufanya mchezo huu kuwa na umuhimu wa aina yake.

Nini kinachokupa raha kama michezo ya kasino ya mtandaoni? Hasa unapojua kuwa kuna ushindi, jackpot na mizunguko kibao ya bure. Ungana na bwana Meridian kupata ushindi na burudani.

Cheza Hapa Sasa