Lewandowski-Nilistahili kushinda Ballon d'Or.

Mshambuliaji wa Bayern Munich Robert Lewandowski anaamini kwamba alikuwa anastahili kushinda tuzo ya Ballon d’Or kama tuzo hizo zisingeondolewa mwaka 2020.

Chama cha mpira Ufaransa kilithibitisha mwezi Julai kwamba hakutokuwepo kwa ugawaji wa tuzo hizo kutokana na kuingiliwa kwa msimu 2019-20 kufuatia kuzuka kwa janga la virusi vya Corona.

Lewandowski alikuwa na msimu mzuri sana kwa kufanikiwa kufunga magoli 55 katika mashindano yote na kuisaidia Bayern Kutwa mataji makubwa matatu ndani ya msimu mmoja kwa mara ya pili, mataji hayo ni Bundesliga, DFB-Pokal na Champions League.

Lewandowski mwenye umri wa miaka 32 alisisitiza Ballon d’Or ilikuwa kwenye akili yake msimu huu na amesema alikuwa akistahili kupata tuzo hiyo.

“Sikufikiria haya yote, nilikuwa najua bado kuna Champions League, pia Bundesliga ilikuwa haijafika mwisho,” aliiambia Onet and Przeglad Sportowy pale alipoulizwa maoni yake kuhusu kuondolewa kwa tuzo hizo.

Alipoulizwa ni mchezaji gani angependa kuona anapata tuzo hiyo, alijibu: “Mimi mwenyewe, tumeshinda kila kitu, nimeshinda mfungaji bora katika kila mashindano nadhani mchezaji aliyepata mafanikio kama haya alikuwa akistahili tuzo ya Ballon d’Or.”

Bayern Munich ilishinda 1-0 dhidi ya Paris Saint-Germain katika fainali ya Champions League na kuona Lewandowski akishinda kombe hilo kwa mara ya kwanza katika soka lake kitu alicho kiri kuwa ilikuwa ni ndoto yake tangu alipokuwa mdogo.

“Nakumbuka baada ya mchezo kumalizika mke wangu alinitumia video ya wapendwa wangu wakilia kwa furaha. Kilikuwa ni kitu fulani adimu sana ilifanya nipate hisia kali na kukumbuka miaka mingi iliyopita.

Wakati akiwa hana mpango wa kustaafu mapema moja ya malengo aliyobakisha Lewandowski ni kuleta furaha katika taifa lake la Poland katika hatua ya kimataifa.

“Hamu yangu ni kuhakikisha nina peleka furaha kwa washabiki wa timu ya taifa hapo nitakuwa nimeridhika kusherekea ubingwa wa Dunia.

Beti Mbio za Mbwa Mubashara

Hii ni rahisi zaidi! Hapa USHINDI unaupata kwa kuchagua mbwa anayeshinda mbio na machaguo mengine yenye odds tamu.

Cheza Hapa