Lewandowski: Nitastaafu Soka Nikifikisha Miaka 40.

Robert Lewandowski anaamini anaweza kuendelea kusakata kabumbu mpaka pale atakapo fikisha umri wa miaka 40 baada ya kuendelea kuwa sehemu ya kikosi cha Bayern Munich kwa msimu mwingine.

Mshambuliaji huyo wa Bayern Munich alifunga magoli 55 msimu uliyopita 2019-20 na kuisaidia timu ya Bayern kushinda mataji matatu ndani ya msimu mmoja, na kufanikiwa kutwaa taji la Champions League kwa mara ya kwanza katika maisha yake.

Lewandowski hajaonesha dalili yoyote na kustaafu na wiki illiyopita alisema mkataba wake na Bayern Munich unaofika tamati mwaka 2023 “Haitakuwa ndiyo mwisho”.

Akiwa na umri wa miaka 32, Lewandowski aliiambia Kicker ataendelea kucheza huenda ikawa miaka nane ijayo.

Alisema: “Kumaliza soka langu ndani Bayern Munich ndiyo chaguo, bado nina muda wa miaka mingi kucheza”.

“Sifikirii kuhusu kustaafu kwa sasa.

“Sijihisi kama nina 32 najihisi poa kama wakati nikiwa na miaka 26, nilifanyia kazi kile nilichokuwa natamani nikipate miaka ya hivi karibuni.

Licha ya kuwa na msimu bora, Lewandowski hakufanikiwa kuwa mfungaji bora wa ulaya na kushinda kiatu cha Dhahabu baada ya kupitwa upachikaji magoli na Ciro Immobile wa Lazio aliyefunga magoli 37 wakati Lewandowski akitikisa nyavu mara 34 Bundesliga.

“Nafikiri ni aibu Bundesliga kuwa na michezo michache kuliko Serie A [ Bundesliga ina michezo 34 wakati Serie A ipo michezo 38],” alisema Lewandowski.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza sasa