Werner Akerwa na Matokeo ya Sare Dhidi ya Spain.

Mshambuliaji wa Ujerumani Timo Werner ameudhika kufuatia timu yake kuruhusu goli la dakika za majeruhi na kufanya mchezo kumalizika kwa 1-1 dhidi ya Spain katika michuano ya Nations League.

Werner alifunga goli la kuongoza dakika ya 51 ya mchezo Ujerumani wakiwa wanatafuta ushindi jijini Sturttgart siku ya Alahamisi, lakini Jose Gaya wa Hispania aliisawazishia timu yake dakika ya 95.

Nyota huyo wa Chelsea Timo Werner, ambaye anajiandaa kwaajili ya msimu wake wa kwanza akiwa Stamford Bridge baada ya kutua akitokea RB Leipzig, ameonesha kutolizishwa na matokeo kwani Ujerumani ilikuwa ikihitaji ushindi katika mchezo huo.

“Ni maudhi kwa sababu tumecheza kwa bidii kubwa sana,” Werner alisema baada ya mchezo kuisha.

“Baada ya goli tuliruhusu sisi wenyewe kurudi kucheza nyuma na kufanya wapinzani wapate nafasi kadhaa upande wetu.”

Kwa Matokeo hayo yanaacha Ujerumani iendelee kutafuta ushindi wao wa kwanza katika michuano hiyo baada ya kutoa sare mbili na kupoteza mchezo mmoja mwaka 2018-19.

Kocha mkuu wa Ujerumani Joachim Low aliongeza: “Nimeridhika na nilichokiona, vijana wetu wametuonesha walichokua nacho mpaka mwisho.

“Kwa upande wangu ni muhimu kutowaruhusu Spain kucheza na maoni yangu tulikuwa na nafasi nyingi, lakini kipindi cha pili hali ilikuwa ngumu kidogo.

Nyota wa Atalanta Robin Gosens pia alicheza mchezo wake wa kwanza akiwa na timu ya taifa ya Ujerumani na ndiyo aliyetengeneza asisti ya goli la Werner aliiambia UEFA.com “Ulikuwa ni usiku maalumu, mchezo wangu wa kwanza kucheza kama beki tatu, nafasi ninyocheza nikiwa Atalanta kwa hiyo ilikuwa rahisi kuimudu.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza sasa