NBA: Lakers Kucheza Fainali dhidi ya Heats

Kunako msimu wa NBA, michezo ya Eastern na Western Conference imemalizika na sasa washindi – LA Lakers na Miami Heats kuanza kuchuana ili kumpata mbabe wa NBA 2020.

Katika mchezo wa Eastern Conference, Miami Heats walikuwa wakichuana na Boston Celtics. Mchezo ambao ulikuwa na jumla ya michezo 7 na umehitimishwa kwa michezo 6 baada ya Miami Heats kuibuka kidedea kwa matokeo ya 4-2 katika michezo hiyo.

Miami Heats ambao ni washindi wa NBA mara 3, sasa wanatinga hatua ya fainali kwa mara ya kwanza tangu mwaka 2014. Mchezo wao uliomalizika kwa ushindi wa pointi 125-113 umepeleka kilio kwa Boston Celtics ambao wanapoteza fainali ya 3 mfululizo.

Bam Adebayo alikuwa shujaa wa Heats kwa kupachika pointi 32 na kucheza mipira 14 iliyokufa. Adebayo amejisafisha kibabe kwa kile alichokifanya katika mchezo wa 5 ambapo aliwagharimu wachezaji wenzake.

“nilipaswa kujipanga kivingine na kuonesha kile ninachohitaji kuwa na nimefanya hivyo usiku wa leo. Kuwepo katika hali ile na kujifunza kutoka pale, kuisaidia timu kushinda fainali na kusonga mbele, ni kitu kikubwa kwangu.” amesema Adebayo.

Kwa upande wa LA Lakers, LeBron James ameisaidia timu yake kufika fainali ya NBA baada ya miaka 10 kwa ushindi wa pointi 117-107 dhidi ya Denver Nuggets. 

Ushindi wa jana, umewapatia matokeo ya jumla ya 4-1 katika michezo 5 na sasa wametinga hatua ya Fainali ya NBA 2020.

LeBron James alikuwa shujaa wa Lakers kwa kupachika pointi 38 na kucheza mipira 16 iliyokufa huku akitoa pasi 10 za magoli.

LaBron James anakuwa ni mchezaji wa 4 wa kucheza fainali 10 za NBA na hii ni mara yake ya kwanza akiwa na Lakers.

“Ninafuraha kubwa kuwa sehemu ya timu hii na kuisaidia kurudi katika nafasi yake,ambayo ni kucheza kwenye fainali.” amesema LeBron James.

Mchezo wa kwanza wa fainali utachezwa Jumatano.

Beti kwa Kitochi Kushinda 300,000,000!

Unajua kuwa unaweza kushinda milioni mia tatu kwa buku tu? Ndiyo! Unaweza kushinda kwa kupiga *149*10# na kubashiri. Ingia mchezoni!

Soma Zaidi