Diego Simeone Akutwa Na Virusi vya Corona.

Kocha mkuu wa Atletico Madrid Diego Simeone amepima na kukutwa na maambukizi ya virusi vya Corona, klabu hiyo ya LaLiga imethibitisha.

Kikosi kizima cha Atletico Madrid na benchi la ufundi walifanya upimaji wa COVID-19 siku ya Ijumaa baada ya kurejea kutoka Los Angeles Marekani walipokuwa wakijiandaa na msimu mpya wa LaLiga.

Simeone sasa atalazimika kujitenga ingawa hakuonesha dalili zozte kama ana maambukizi.

“Baada ya kuchunguza sampuli hizi ndani ya maabara iligundulika kuwa mwalimu wetu Diego Pablo Simeone, amepata maambukizi ya COVID-19,” Atletico walisema kwenye maelezo.

“Bahati nzuri kocha wetu hakuonesha dalili na kwa sasa yupo nyumbani akiendelea kujitizamia na kufuata utaratibu uliowekwa na mamlaka za afya ili kuepuka usambazaji wa virusi.

Atletico wanatarajia kusafiri mpaka Cadiz kwa mchezo wa kirafiki siku ya Jumanne kabla hawajaanza mbio za LaLiga Septemba 27 kwa mchezo dhidi ya Granada.

Atletico Madrid walitupwa nje ya michuano ya Champions League na timu ya RB Leipzig msimu uliyopita katika hatua ya robo fainali.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.