Paris Saint-Germain Yamsaini Florenzi Kutoka Roma.

Paris Saint-Germain wamefanikiwa kumsaini mchezaji Alessandro Florenzi kutoka klabu ya Roma kwa mkopo kukiwa na kipengele cha kumnunua moja kwa moja.

Mchezaji huyo aliyecheza mechi 36 katika timu ya taifa amekuzwa katika akademi ya Roma na alianza kucheza timu ya wakubwa mwaka 2011 akiwa kama kiungo, amecheza michezo 280 katika timu hiyo ya Serie A.

Alitajwa kuwa nahodha mwaka 2019 lakini alitumia nusu ya msimu akiwa na Valencia kwa mkopo na alicheza michezo 14 katika mashindano yote.

Bosi wa PSG Thomas Tuchel alithibitisha siku ya Jumatano kwamba alikuwa sokoni kutafuta beki mpya wa kulia na dili sasa imekamilika na klabu ya Roma.

Mabingwa hao Ufaransa, ambao pia walikuwa wakihusishwa na kumsajili beki wa Arsenal Hector Bellerin, walimtangaza Florenzi kutua PSG katika tovuti yao rasmi siku ya Ijumaa.

“Ninajivunia na ninafuraha kuwa mchezahi wa Paris Saint-Germain,” alisema mchezaji huyo mwenye umri wa miaka 29.

“Ni moja ya klabu kubwa sana barani Ulaya, walithibitisha hilo mwezi uliyopita katika fainali ya Champions League ingawa hawakufanikiwa kushinda.

PSG wameanza msimu mpya wa Ligue 1 na waliwakosa wachezaji wao muhimu saba kutokana na kuwa na maambukizi ya virusi vya Corona na kupoteza kwa 1-0 dhidi ya Lenz siku ya Alhamisi.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.