Sarabia: Tupo Tayari Kuweka Historia kwa Kushinda Champions League.

Kiungo wa Paris Saint-Germain Pablo Sarabia amewahamasisha wachezaji wenzake kutengeneza historia ya timu hiyo kwa kushinda Champions League.

Wababe hao wa Ufaransa hawajawahi kufika hatua ya nusu fainali kwenye michuano hiyo mikubwa ya ulaya ya UEFA.

Tayari wamemalizana na mashindano ya ndani nchini Ufaransa msimu huu sasa wanayageukia mashindano ya Mabingwa Ulaya siku ya Jumatano ikiwa ni hatua ya robo fainali dhidi ya Atalanta jijini Lisbon.

Lakini wakati Sarabia akiwa anahamsisha wenzake, anajua kwamba kukabiliana na Atalanta waliomaliza msimu wakiwa nafasi ya tatu katika ligi ya Serie A, sio shughuli ndogo.

“Ni fursa kubwa, tutajitahidi kufanya iwe kweli na kuweka historia ya Paris Saint-Germain,” alisema kupitia tovuti rasmi ya klabu.

“Nadhani sasa ni muda sahihi wa kutimiza hili, tumekuwa tukilenga hili kimya kimya sasa tuna utayari huo.

“Tutawasoma wapinzani na kuchez kwa hali na mali kuweka historia, nadhani tupo tayari kwa mchezo huu ambao ni muhimu sana tume hamasika kweli.

Kutokana na kuwepo kwa virusi hatari vya Corona msimu huu hatua ya mtoano itakuwa ni ya kipekee kwani michezo yote iliyo salia itapigwa nchini Ureno na kutakua na mzunguko mmoja pekee kuanzia robo fainali na kuendelea.

Kama PSG itafanikiwa kusonga hatua inayofuata basi itakabiliana na RB leipzig au Atletico Madrid kwenye hatua ya nusu fainali, na Sarabia amesema mfumo mpya wa mashindano utakuwa mzuri kwao.

“Tumeshapata kuelewa hali inavyo kwenda, ni mfumo wa kipekee kwa sababu tunaenda kucheza michezo yote sehemu moja, mchezo mmoja, ni kitu ambacho hakijawahi kutokea kabla,” alisema Sarabia.

PSG ambao wapo chini ya kocha Tuchel wanaweza kumkosa mshambuliaji wao Klyan Mbappe kufuatia kupata jeraha kwenye fainali Coupe de la Ligue dhidi ya Lyon.

Umekuwa mteja muaminifu wa meridianbet? Kuna zawadi kibao hadi 5% ya pesa yako inarejeshwa kwako. Kila wiki unaweza kurudishiwa mpaka Tsh 250,000.

soma zaidi