Alexandre Lacazette Hajashawishika Kabisa na Inter

Mshambuliaji wa Arsenal, Alexandre Lacazette ameibuka kama kipaumbele cha uhamisho pale Inter, lakini L’Equipe anaonya kuwa haonekani kama mtu anayeshawishika na uhamisho huo.

Kulingana na Jarida la Ufaransa, Lacazette anaweza kuwa moja wapo wa mbadala ikiwa Barcelona Wataamua kutumia kipengele cha kuachiwa mchezaji kwa € 111m kwenye mkataba wa Lautaro Martinez.

Lacazette amefikisha miaka 29 wiki hii, na Arsenal ilimchomoa kutoka Olimpiki Lyonnais mnamo mwaka 2017 kwa ada ya €53m.

Amechangia mabao tisa na asisti tatu katika mechi 26 za ushindani msimu huu, lakini akagonga vichwa vya habari tena hivi karibuni kwa manjonjo ya uwanjani, ambayo yamezidi kuwachanganya mashabiki na vilabu pia.

Hata hivyo, L’Equipe na mtaalamu wa masuala ya uhamisho wa Ufaransa Bilel Ghazi wanasema kwamba Lacazette hafurahii kukamilisha uhamisho kwenda San Siro.

Hatma yake na Arsenal haina mashaka yoyote, kwa sababu The Gunners wanajitahidi kupambana kufuzu kwenye Ligi ya Mabingwa.

Tayari Inter wameripoti kufanya makubaliano binafsi na mshambuliaji wa Paris Saint-Germain Edinson Cavani, ambaye atakuwa mchezaji huru msimu huu wa joto.