Azam Complex Itaanza Kutumika Katika Mwendelezo wa Ligi Kuu

Uwanja wa Azam Complex-Chamazi unaanza kutumika rasmi leo baada ya kufanyiwa marekebisho. Utaanza kutumiwa na klabu ya Azam ambayo itaanza mazoezi yake kuanzia saa 10 jioni kwa ajili ya maandalizi ya Ligi Kuu.

Azam ambayo kwa sasa inamzidi yanga kwa alama tatu ikiwa na jumla ya alama 54 na yanga ikiwa na alama 51, huku kinara wa ligi kuu Tanzania bara Simba ikiongoza ligi hiyo kwa alama 71

“Leo klabu ya Azam inaanza mazoezi kwa ajili ya kujiandaa na kurudi kwa ligi, tulikuwa tuanze mapema lakini tukasitisha mpango wetu kwa sababu Bodi ya Ligi ilituambia tusubiri mwongozo toka kwao”-Zaka Zakazi, afisa habari wa Azam FC.

“Tayari Bodi ya Ligi wameturuhusu kuanza na leo tunaanza mazoezi yetu rasmi kwenye uwanja wetu wa Azam Complex.”

Wachezaji watapimwa afya kwanza kabla ya mazoezi ambayo yatasimamiwa na kocha msaidizi Vivier Bahati akisaidiwa na Idd Abubakar (kocha wa makipa) ambaye atakuwa akikaimu kama kocha msaidizi.