Erasto Nyoni, Kinda Aliye Aminiwa na Maximo na Watanzania

Mwaka 2007 Tanzania iliishuhudia nafsi mpya inayokuja na dumu la petrol kwenye moto wa soka nchini. Alikuwa kijana mdogo tu wa miaka 19. Marcio Maximo alimuamini ugenini dhidi ya Burkina Faso. Na yeye hakumuangusha, aliifungia Tanzania bao la ushindi. Ni Erasto Edward Nyoni.

Ulikuwa mchezo wa kutafuta nafasi ya kufuzu michuano ya AFCON ya mwaka 2008 iliyokuwa ipigwe Ghana. Watanzania walikuwa hawamfahamu Nyoni ni nani. Nakumbuka hadi mtangazaji wa TVT siku ile Juma Nkamia alikosea, akasema mfungaji wa bao ni Haruna Moshi ‘Boban’ badala ya Erasto Nyoni. Kiukweli watanzania walikuwa hawamfahamu.

Kipindi hicho alikuwa anacheza Vitalo ya Burudani. Alikuwa ‘suprise package’ kwenye ukuta wa Nadir Haroub ‘Cannavaro’, Salum Swedi, Amir Maftah na Shadrack Nsajigwa ‘Fuso’ aliyekula umeme dakika ya 62. Ulikuwa mchezo wa kwanza wa timu ya taifa kwa Nyoni ila alicheza kama ana uzoefu wa mechi mia moja.

Alianza maisha yake ya soka katika academy ya Rolling Stone chini mzee Ally Mtumwa pale mjini Arusha. Baadae kocha wa AFC-ARUSHA, Madaraka Bendera akavutiwa na uwezo wake. Akamsajili ajiunge na timu ya watoto ya AFC. Baadae alijiunga na Vitalo baada ya AFC kushuka daraja. Azam walimrudisha nyumbani mwaka 2010. Miaka saba baadae akajiunga na pori lilipo makutano ya Uhuru na Msimbazi.

Nakumbuka free-kick yake ya kusawazisha pale Sudan kabla ya Ditram Nchimbi kutupa bao la ushindi la kutupeleka CHAN.