Harakati za Ubingwa La liga ni Vita Kati ya Barca na Madrid

Baada ya kusitishwa kwa muda mrefu kutokana na janga la virusi vya corona, La Liga inarejea viwanjani Alhamisi ya leo, Juni 11 kwa mechi kali kati ya Sevilla ikikabiliana na Real Betis kwenye Seville Derby, na michezo mingi ikifatia wikendi hii ikiwa ni pamoja na Barcelona vs Leganes (Juni 16) na Real Madrid vs Valencia (Juni 18).

Vita ya Ubingwa: Barcelona wanaweza kutetea Ubingwa?

Barca wana faida mbili wakati watakaporejea kupigania taji la La Liga kwa mara ya tatu mfululizo Jumamosi hii na mechi ya kwanza wanasafari kuwafata Mallorca.

Jambo la kwanza; Barca wanaanza raundi ya kukamilisha michezo 11 ya mwisho Ligi, wakiongoza msimamo kwa tofauti ya pointi mbili juu ya Real Madrid. Faida ya pili waliyonayo ni kwamba nahodha Lionel Messi yuko fit, kinara wa mabao wa ligi (19) na mtoaji assists nyingi zaidi (12). Ikumbukwe pia Katika misimu 10 kati ya 15 iliyopita, timu iliyo na Messi imeshinda taji la La Liga.

Barca pia ina changamoto; Hakuna imani kubwa Barca wataweza kushinda michezo yote 11 iliyobaki. Bado wanamechi ngumu. Watacheza ugenini dhidi ya Sevilla na Villarreal, timu ambazo zimewamesumbua kwa miaka ya hivi karibuni, wakati huohuo wanamichezo migumu ya nyumbani dhidi ya Athletic Bilbao na Atletico Madrid. Pia kuna Derby ya Kikatalani dhidi ya Espanyol huko Camp Nou.

Nafasi ya Real Madrid kubeba taji?

Kuna jina moja linatosha kuelezea ni kwanini Real Madrid wanaamini wanaweza kuipita Barcelona na kubeba taji: Eden Hazard.

Msimu wake wa kwanza umeanza kwa kusuasua kutokana na kuwasili Real akiwa ameongeza uzito (Kibonge) pia majeraha ya mara kwa mara. Lakini kwasasa Ripoti kutoka Madrid zinasema makali yake yamereja kuanzia mazoezi huko anamshangaza kila mtu, hat trick kwenye mechi ya mazoezi.

Hazard hayuko peke yake, pia kuna Marco Asensio yuko fit – winga Gareth Bale amerejea katika kikosi akiwa fit zaidi kuliko mchezaji mwingune yoyote wa Real baada ya vipimo vya mwili mazoezini na anapaswa kufurahia kucheza bila kusikia filimbi za kuzomewa na mashabiki.