Trent Alexander Arnold- Kizazi Kipya cha Mabeki Wanaoshambulia

Trent anakuja kutupa somo jipya namna mpya na darasa jipya , anakuja kutupa vitu ambavyo hatukuviona kwa muda kidogo beki wa kulia mwenye takwimu nyingi za hatari za kushambulia kuliko kukaba . Wapo wanaosema kijana anasweet zaidi akicheza kama kiungo lakini Klopp bado hajaamua iwe ivyo , kuna waliomshuhudia Dani Alves pia wapo waliomfaidi Phillip Lam , unaweza changanya utamu wao ukampata Trent.

Soka la kiingereza lilikua na ustaarabu wake kabla ya kuja Arsene Wenger na pasi zake nyingi , mara nyingi build up ya magoli ilianzia pembezoni mwa uwanja , watakuja kupitia pembeni na kupiga mashuti au watapiga krosi nyingi . Arsene Wenger alikuja na utamaduni wake kwanza lazima timu imiliki mpira ndipo wamfuate mpizani kwa hatua lakini aliposhindwa kujiongeza ukawa mwisho wake , kwa sasa hata Guardiola ameamua kuwaiga wazawa magoli yake mengi yanatokea pembeni kuliko katikati .

Pengine Dani Alves anaweza kua moja ya mabeki wa pembeni wa kulia bora kabisa kuwahi kutokea , jamaa aliweza kila aina mchezo kuanzia pasi fupi fupi pia anazijua one-two vizuri anapiga krosi za uhakika pia ni fundi wa mipira iliyokufa , kuna Phillip Lam naye anaingia humo hata Cafu anajaa humo kiuhakika . Wote hawa walitupa aina tofauti ya mlinzi wa kulia hadi kila mtu akasema yake , lakini Jurgen Klopp amekuja na aina yake ya kipekee , kifupi wote hao Alves na Lam wanajua kuchezesha timu ila Trent ni darasa jipya.

Andrew Pirlo aliitwa Deep Lying Playmaker huyu alikua kiungo mshambuliaji lakini alianzia harakati zake nyuma kabisa , tukumbuke tu Pirlo alikua kiungo ina maana hizo harakati alizifanyia akiwa kama kiungo . Baada ya kumtathmini sana Trent leo nimeliona jina jipya sehemu na anaitwa DEEP LYING WIDE PLAYMAKER , ndio inabidi aitwe ivyo hakuna namna kijana anakosa sifa za kiulinzi ila anasifa za kwenda mbele zaidii , Trent mpe pasi hata akiwa eneo lake la hatari atafanya jambo zuri tu ila mwambie akabe ndani ya eneo la hatari utampa lawama za bure.

Ujio wa kiungo fundi mkabaji wa Kibrazil Fabinho Travarez ndio ulimfungulia Trent dunia kua anachotaka , iko ivi ili unyonye uwezo woote wa Trent lazima pawe na mtu anakaeziba nafasi yake wakati yeye ameenda kufanya anachotaka . Alikuwepo Emre Can huyu jamaa alikua kiungo mzuri sanaa na alikua mkabaji lakini alipenda sana kushambulia alafu alikua homa za vipindi , Jordan Handerso hakuonekana kuwasoma wapinzani kiulinzi hata kushambulia hakuwasoma lakini ni nahodha . Pengine Trent na Robbo ndio vijana hatari sana kwa sasa lakini hatuangalii kina nani wanawapa hua uhatari , uwepo wa fabinho pale Liverpool ndio unaleta usawa sana na timu kupata balance.

Trent anakupa vitu vingi sana mpaka raha kwanza ni fundi sanaa wa kupiga pasi ndefu kiustadi yeye kuhamisha uwanja ni kama kunywa maji , ukimmark sana basi anaanza kupia one-two sababu yupo huru sana na mpira , trent ni mjuzi wa kukimbia kuziwahi pasi iwe kwa kuingia ndani ( underlap ) au pembezoni mwa touchline ( overlap ) , kuna muda anaungana na viungo kama pembeni kumebana sana , anapiga mipira iliyokufa kwa umahiri wa hali ya juu , anatengeneza nafasi za kufunga kwa umahiri mkubwa pia ana mguu mzuri wa kufunga.