Unamjua Cassius Marcellus Clay Jr (Muhammad Ali) Sehemu ya 1

Watu billion mbili duniani kote walikaa nyuma ya Luninga zao ule usiku wa saa 2:15 kushuhudia pambano kubwa la Masumbwi lililopewa jina la The Last Hurrah, ilikua ni usiku wa October 2, 1980 kwenye jimbo la matajiri Las Vegas, Marekani kwenye ukumbi wa Caesars Palace, naukumbuka sana usiku ule wa Kiangazi

Ulikua ni mpambano wa wababe wa dunia enzi zile, Larry Holmes “The Easton Assassin” dhidi ya Cassius Marcellus Clay Jr (Muhammad Ali) mtukutu wa Louisville Kentucky Marekani, nyuma ya Mpambano huo kuna Promoter mmoja maarufu sana Donald King ‘Don King’ ndie alitaka dunia ishuhudie tena mambo ya kutisha

Lakini miezi kabla ya pambano hilo watu wengi walikua na hofu juu ya afya ya Ali, Nevada Athletic Commission walimchukua Ali na kumpeleka Hospital. Pale Jimboni Minnesota (Mayo Clinic) kupitia vipimo chini ya Daktari Bingwa Frank Howard, aligundua Ali ana shida kwenye mguu wa kulia na misuli, lakini waliamua tu kumpa kibali kwakua hakuwa serious sana

Lakini hiki kitu kilimuumiza sana Ferdie Pacheco, Daktari wa Ali ambaye alijiengua kwenye kambi 1977 baada ya Maboss wa Ali kukataa ushauri wake wa kiafya, baada ya pambano lake dhidi ya Earnie Shavers

Daktari wake alipeleka vipimo kwa Angelo Dundee na Jabir Herbert lakini hawakumjibu Daktari huyo, alietoa taarifa kuwa Ali ni mgonjwa sana

Ikumbukwe kuelekea mapambano hilo Ali alishafanya mambo makubwa sana, lile pambano la October 30,1974 dhidi ya George Edward Foreman (The undefeated Heavyweight Champion) mzigo ulikua pale Kinshasa Congo, waliita Rhumble in the Jungle, balaa kwenye misitu mikubwa ya mto Congo, Ali aliibuka bingwa

Lakini aliendelea kujizolea umaarufu mkubwa na kuwa kipenzi cha watu weusi duniani, naikumbuka mikono yake pale Araneta Coliseum Jijini Manila Ufilipino, kwenye Thrilla in Manila akimsambaratisha Joe Frazier ‘The Smokin Joe’ 1975 ilikua zaidi ya mchezo, Ali the Ring dancer anatupa na kutulia, alivutia watu wengi sana duniani.