Kilicho Jiri kwenye Bundesliga Leo May 16- 2020

Bundesliga imeendelea leo huko nchini Ujerumani ambako miamba RB Leipzing na SC Freiburg wametoka sare ya 1-1. Freiburg almanusra ipate ushindi ugenini dhidi ya RB Leipzig.
Iliwalibidi Leipzing watoke nyuma ili kupata sare ya 1-1 dhidi ya SC Freiburg.

Yalikuwa mazingira ya tofauti leo kutokana na uwanja Red Bull Arena kuwa mtupu bila mashabiki kama tahadhari dhidi ya corona.

Leipzig walitawala zaidi kipindi cha kwanza na walikuwa na nafasi kadhaa za kuongoza lakini ilikuwa Freiburg ambao walitangulia kwa bao la Manuel Gulde, lililotokana na kona ya Vincenzo Grifo.

Bao hilo liliwashtua Leipzing na kuwapa Freiburg matumaini ya kushinda, lakini vijana wa Julian Nagelsmann wakajipanga na katika dakika ya 77 hatimaye mshambuliaji mwenye mizizi ya Kitanzania Yussuf Poulsen akafunga kwa kichwa kutoka ktk cross ya Kevin Kampl.

Freiburg walidhani walikuwa wameshinda mchezo katika dakika za nyongeza wakati Robin Koch alipozama kambani, lakini bao hilo lilikataliwa na VAR.