Henderson: FA inachunguza mzozo mkali wa uwanjani kati ya wachezaji wa Arsenal na Liverpool wakati wa mpambano mkali wa Jumapili.
Wachezaji wa timu zote walipambana katika kipindi cha pili, muda mfupi tu baada ya mwamuzi Michael Oliver kuwapa Arsenal penalti yao iliyoamua ushindi, huku kukiwa na matukio ya hasira uwanjani.
Oliver alikimbia kwenye mstari wa uwanja kuzungumza na Mikel Arteta na Jurgen Klopp baada ya mzozo, ambapo maneno ya hasira yaliwatoka waziwazi kati ya mchezaji Gabriel wa Arsenal na Henderson wa Liverpool.
Baadhi ya nyota kutoka pande zote mbili walihusika katika mzozo huo mkali, huku beki wa Arsenal, Gabriel Magalhaes na nahodha wa Liverpool, Jordan Henderson, wakizozana. Kiungo wa Arsenal Granit Xhaka alifika haraka kwenye eneo la tukio ili kumuunga mkono mchezaji mwenzake.
Ilikuwa ni dai la penalti muda mfupi kabla ya bao la ushindi la Arsenal, lililofungwa na Bukayo Saka kwa mkwaju wa penalti muda mfupi baadaye, inafahamika kuwa Oliver aliwafahamisha wasimamizi hao kitu ambacho mmoja wa wachezaji hao alidaiwa kumwambia mpinzani wake.
Vile vile, makocha wote wawili inaaminika walizungumza na Oliver baada ya filimbi ya mwisho na sasa suala hilo limepelekwa kwa Chama cha Soka. Inabakia kuonekana ikiwa bodi inayoongoza itaanzisha uchunguzi kamili lakini FA itazungumza na wasimamizi wa mechi kabla ya kuamua kuchukua hatua zaidi.
Msemaji wa FA alisema: “Tunafahamu tukio lililotokea wakati wa mechi kati ya Arsenal na Liverpool. Tuko kwenye mazungumzo na wasimamizi wa mechi na tutapitia maelezo ya tukio hilo.”
