Mbappe: Nilijiunga na PSG Ili Niweke Historia ya Champions League.

Kylian Mbappe amesema kwamba alijiunga na PSG ili aweke historia kwa kushinda taji la Champions League katika mchezo wa kukamilisha msimu dhidi ya Bayern Munich.

PSG iliyowatoa RB Leipzig katika hatua ya nusu fainali na kufanikiwa kufika fainali yao ya kwanza katika Champions League itakutana uso kwa uso na mabingwa wa Bundesliga mjini Lisbon siku ya Jumapili.

Mbappe alishawahi kufika hatua ya nusu fainali akiwa na timu ya Monaco mwaka 2017 kabla hajafanya uhamisho wa pesa nyingi na kutua PSG.

Mchezaji huyo mwenye umri wa miaka 21 ameonekana kuwa vizuri baada ya kupona jeraha lake la kifundo cha mguu na ameamua kuhakikisha PSG inashinda mashindano hayo makubwa ya Ulaya kwa mara ya kwanza wikendi hii.

“Sisi ni ‘underdogs’ kulingana na kila mtu anavyotuchukulia na tunapenda tukisikia hivyo. Nilicheza kwenye Fainali ya Kombe la Dunia na nilishinda. Sasa hili ni taji lingine kubwa ambalo ninataka kushinda kwenye maisha yangu. Nitapambana kama ni siku ya mwisho ya maisha yangu.

“Naamini tuna ubora sawa na Bayern Munich. Endapo Ikicheza mchezo wa kutumia nguvu, sisi pia tutakuwa na nguvu sana kuona ikiwa watapenda ladha ya dawa yao wenyewe.”

“Tuna Kocha Mjerumani ambaye anajua mbinu za Kijerumani. Anajua jinsi ya kuwashughulikia Bayern Munich.”

“Hii ndiyo sababu kwanini nipo hapa,” Mbappe aliongea na waandishi siku ya Jumamosi. “Mara nyingi nimekuwa nikitaka kuandika historia katika mpira wa Ufaransa, sasa nina fursa ya kufanya hivyo.

Drops and Wins!

Umeijua hii? Ni promosheni kabambe ya ushindi kwenye Casino ya mtandaoni ya Meridianbet! Unaweza kushinda hadi Euro 2,000,000 leo.

Soma zaidi ucheze