Van Persie Alivyowaliza Wahispania Kwa Goli la Kupaa Angani

Si unakumbuka Giovanni Van Broickhoist alivyoisimamisha Afrika Kusini ile 2010. Wahuni wa Soweto wakakubali kuzima misokoto, wakasimama kutazama matusi yasiyokera ya ‘m-dutch’. Lile bao, hadi madaktari walisahau kuwasikiliza wagonjwa wao.

Vipi kuhusu Arjen Robben mbele ya wahispaniola 2014 pale Brazil? Namna alivomzunguka Sergio Ramos, kisha kumzalilisha Iker Cassilas, lile ni kosa la jinai. Mabao kama yale yanaweza kukunyanyua kwenye ‘kibanda umiza’, Ukarudi kulipa mara ya pili.

Tuachane na hayo. Unamkumbuka ‘superman’ Roben Van Persie? Ile siku Hispania wanakufa 5-1 pale ‘Arena Fonte Nova’. Ilikuwa mara ya kwanza Hispania wanafungwa zaidi ya mabao manne katika mchezo wa kimashindano tangu 1963. Van Persie alifunga bao la kwanza.

Hispania walikitawala kipindi cha kwanza. Penalty ya Xabi Alonso iliwaweka mbele dakika ya 27. Dakika mbili tu kabla ya mechi kwenda mapumziko, David Silva alishindwa kuitendea haki pasi ya Andres Iniesta, akaamua kuubetua mpira badala ya kutulia azisake nyavu za chini za Jasper Cillessen.

Baada ya kona ya David Villa kutokuzaa matunda kwa Hispania, mpira ulisukumwa katikati ya dimba, ikawekwa pasi moja kushoto mwa uwanja kwa Daley Blind. Wakati huo Van Persie yupo katikati ya Jordi Alba na Sergio Ramos.

Van Persie akaagiza krosi iletwe ndani ya box. Kwa kuwa Gerad Pique alikuwa amemshika Arjen Roben, alimuweka Van Persie ‘onside’. Wakati huo Ramos alifanya kosa la jinai kumuacha Van Persie nyuma yake. Casillas akatoka kuja kumlaki, Van Persie alitoka na kichwa kimoja bora sana kwenda nyuma ya wavu wa Iker Casilas.

Namna alivopunguza kasi ili aukute mpira, namna alivopaa na namna alivoupima urefu wa golkipa na goli. Ni kama unaangalia uongo wa superman, spiderman na batman kwa pamoja. That goal was more than sensational.